Á þetta blogg skrifar
Margrét Erla Maack
um það sem henni finnst skemmtilegt, leiðinlegt, sniðugt og kjánalegt. Ég afsaka alla einkabrandarana. Öllum nafnlausum athugasemdum verður skilyrðislaust eytt.
STOKKÖND! Á morgun fer ég til Stokkhólms. Liggafokkinglái. Ég ætla meðal annars að taka tíma hjá: Nour Ousama Emam (hann er mjög sexí, ekki láta Nubianbúninginn blekkja ykkur) Lubna Emam ooooooooog MAHMOUD REDA!!!! sem ég elska, dýrka og dái.
Síðan ætla ég mér að borða sushi, líbanskan mat, meira sushi og besta khebab á Norðurlöndunum. Sjáumst krakks.
Ingimar Eydal og hljómsveit - Sumarást Þetta lag er sumarlegt en tregafullt. Gaman hvað það er engin innlifun í gangi í Mitt hjarta söng - hún er mín sumarást. Passið ykkur á sumargreddunni krakkar.
Blondie - The Tide is High Sum hljóðfæri eru sumarhljóðfæri. Marimba fellur í þann flokk. Ég er líka hrifin af lúðrum. Ekki jafn hrifin af lúðrum og lúðum samt...
Hljómar - Sveitapiltsins draumur Fyrir okkur borgarbörnin er sveitin bara til á sumrin. Ég sé fyrir mér mann sem er útitekinn í framan, ber að ofan en í smekkbuxum. Úff. Sem er smá lúði.
Connie Francis - Lipstick on your Collar Mér finnst hress lög um framhjáhöld gríðarlega skemmtileg. Þá á ég við lög sem eru empowering. Ekki svona "þú ert bara í því að reyna við mig en samt áttu konu sem er ljót"-lög heldur "þú ert nú meiri kjáninn, ég tjútta bara án þín slúbertinn minn." Þetta lag krefst þess að maður sé í sumarkjól sem er með pilsi sem hreyfist. You said it belonged to me, made me stop and think Then I noticed yours was red, mine was baby pink Hún er svo klók hún Connie. Ég sé líka fyrir mér hóp af músum að syngja bakraddirnar.
Þú og ég - Í Reykjavíkurborg Koma tímar, koma ráð - segir máltækið. Ég er að bíða eftir að þetta lag verði költ hjá svona Lost in Iceland-nördum. Reykjavík er svo mikil Reykjavík á sumrin. Það er líka gaman að biðja um þetta lag og fallbeygja nafn bandsins. ÁTTU REYGJAVÍGURBORG ME ÞÉROGMÉR?
Sebastien Tellier - Divine Believe it or not - ÞETTA ER FRANSKA EVRÓSÝNARLAGIÐ Í ÁR. Þetta er í fyrsta sinn sem Frakkar senda lag sem alfarið er sungið á ensku. Pródúserað af öðrum gæjanum úr Daft Punk, og myndbandið er frábært. Ég hlakka til að sjá hvernig sviðsframkoman verður. I-I-I-I.
Stuðmenn - Ólína og ég Frábært rím og fallegt lag. Sumarið má koma þegar maður gerir hliðarsamanhliðar við Ólínu og mig. Ég heyrði í gær útgáfu Sigga hjálms af laginu sem var falleg, en ekki svona falleg. Öðruvísi falleg skulum við segja.
Beck - Sexx Laws Rosalega eru hressu lögin hans alltaf sumarleg þrátt fyrir að hann sé í Vísindakirkjunni. Þetta er einhver lenska þarna. Ég dýrka t.d. öll sumarlögin hans Tom Cruise.
Hrekkjusvín - Sæmi rokk Og annað sumarhljóðfæri: KÚABJALLA. Kannski er skrýtið að setja lög með Agli svona þétt saman, en eins og mamma mín segir: Það er aldrei hægt að spila hann í klessu.
Vincent Vincent and the Villains - Pretty Little Girl Ég elska þetta retrorokkband. Dúllídúllídúll. Hef sagt það oft, sá þá í London með Tom og BéHelgasyni. Hafdís Huld hitaði upp fyrir þá. Ég á tvö lög í viðbót sem ég skelli á næstu mixdiska. Hversu sumarlegur er gítarleikurinn? Svona 8000 sumarlegur.
Belle Stars - Iko Iko Þetta lag var í Rain Man og einhver laug að mér að Cindi Lauper syngi það. Marimba og kúabjalla. I rest my case.
Bonde Do Rolle - Solta o Frango Þetta þýðir "Sleppið kjúklingnum út." Ég segi nú bara sleppið gleðinni út. Djöfull er bítið í þessu næs, eins og drengurinn sagði. Haaaaaa.
Familjen - Det Snurrer i min Skalle Fyrst maður er kominn í world music er ágætt að fara í skánskt teknó. Svíar fatta það að vel sungið teknó er fallegt og hentar flestum, svona eins og Ikea. Ég er spæld að á meðan ég er í Stokkhólmi spilar Familjen á Ítalíu. Piss. Þetta er svona sumarástarlag um að hlaupa saman út í vorið og syngja. ÓMÆDEIS. Og það er sungið á skánsku. Kreisí.
Deep Zone and Bathazaar - DJ, Take me way Jú, þetta lag er búlgarska júróvisjónlagið. Samstarfsmaður minn er búinn að veðja að það vinni. Hann lagði 10.000 undir, og ef það vinnur þá fær hann 300.000 til baka. Ég er hugsa um að leggja eitthvað aðeins undir... því þetta lag lofar góðu. Ég meina, breikarar, leiserharpa og hún verður aðeins klædd bodypaint á sviðinu. Auk þess sem það mun kvikna í plötunum sem þeir (þykjast) skratsa á í miðju lagi. ELDPLÖTUR. LEISERHARPA. BODDÍPEINT. Spekkið myndbandið.
A Cause des Garçons - Yelle (Tepr remix) Ég vil fá mennina úr myndbandinu til að kenna dansinn á Íslandi. Þangað til þarf maður bara að rembast einn heima. Ég reyndi þetta með Katrínu í gær ogf við rákum alltaf vitlausubeinin saman.
Hey, síðan er hérna skemmtilegt vídjó sem Kitty og skrýtnu stelpurnar hennar gerðu. Chris klippti og tók. Ég er kanínan sem fer í handahlaup. Ég vil að við gerum myndband fyrir James Blunt en fólk er ekki spennt fyrir því.
Frábærum nýjum matsölustað á Laugavegi 24 eða 26 sem heitir Santa Maria. Þetta er alvöru mexíkanamatur, ekkert ostasósutexmexkjaftæði. Þarna er allt búið til á staðnum, sósurnar og allt. Ég fékk mér sósu sem var gerð úr chili og 70% súkkulaði. GOTT GOTT GOTT. Og ekki skemmir verðið fyrir. Við Vigfús Perli fórum þarna á föstudaginn. Hún fékk sér burrito og tvær kók og ég fékk mér tostadas og kórónubjór. Allt þetta kostaði 2800. Síðan er gaman að segja frá því að þarna voru líka Páll Óskar og Frosti einusinnimínus. Og það kemur bráðum margarituvél þarna!!!
Að eiga góða vini.
Lambhúshettum. Algjört möst í þessum kulda undir hjálminn.
Að snúa út úr þekktum dægurlagatextum. Dæmi: Hvar er auminginn? Hvar ertu lífið sem ég þrái? Oh, oh auminginn, —hvar eru gleði mín og sorg? Hvar er auminginn?
Feisspeis Á feisbúkk er eitthvað svona grínidjók sem er eitthvað "Finnst þér þessi sætur? En þessi?"-application sem er mjög skemmtilegt til dægrastyttingar. Ég á víst að vera vinsælli en 94% af feisbúkk sem er nú bara nokkuð gott svona miðað við að ég er ekkert rosalega góð landkynning. Síðan er manni sýnt hverjir eru jafnir manni og eru í sama kjötflokki. Þarna eru alls kyns Arabar og önnur dúlludýr sem ég þekki ekki neitt, Helgi Hrafn Guðmundsson poppar upp við og við og síðan einn strákur sem er að vinna hérna á RÚV sem kemur ítrekað upp. Hann er einn af mjöööög fáum sem ég er ekki enn farin að heilsa. Má ég kynna kjötflokksbróður minn: Ágúst Bogason. Mér þætti gaman að sjá hvernig pabba hans myndi ganga í þessu gríni.
Þessi grein hefur sótt á mig undanfarna daga. Ekki aðeins vegna þess að þetta er nettur viðbjóður, heldur líka vegna allra flækkjanna sem þarna skapast. OK. Pabbinn er líka afi barnsins. Hann er líka tengdafaðir sjálfs sín. Mamman hálfsystir dóttur sinnar... sem gerir pabbann að mági barnsins... Ég get farið í endalausa hringi í þessu. Eins og í laginu Ég er afi minn með Ladda.
Þetta var ekki aprílgabb. Liggaliggalái. Kettlingurinn mun heita (Benito) Mussolini, kallaður Músi. Samstarfmaður minn stakk upp á þessu nafni og hann vann. (ERTU ÁNÆGÐUR?)
Och nu brinner hela skogen. Næsta mánudag mun ég fara í vinnuna á fyrsta ökutækinu mínu. Ég hlakka mikið mikið mikið mikið til að fá vind í hárið og kalt á hnén og allt það. Fokkaðuðér Tom, fokkaðuðér Brjánn Sultarvængur, ég kaupi mér bara hjól sjálf. Nei djók. Þetta hefur lítið með þá tussusnúða að gera. Þetta er svona lítil dömuleg vespa, 50 cc því ég hef ekki próf á stærra. En hvað á ég að skíra músluna? Hún er nákvæmlega eins og þessi á myndinni, með merki ítalska flughersins og allt saman. Mér dettur í hug Mikki, Músi, Ísbjörn, Auður eða Ragna Lára. Fleiri nafnatillögur eru vel þegnar.
