Á þetta blogg skrifar
Margrét Erla Maack
um það sem henni finnst skemmtilegt, leiðinlegt, sniðugt og kjánalegt. Ég afsaka alla einkabrandarana. Öllum nafnlausum athugasemdum verður skilyrðislaust eytt.
Áramótin Skipti jólagjöfunum og fékk mér buxur, bol og eyrnalokka sem passa við áramótin. Mjög sátt. Mun vakna snemma... eða svona... og krulla á mér hárið. I love it. Ég ætla í fjögur partý, en verð á bíl því þau eru svo víða um bæinn, eitt í Vesturbænum og þrjú í Garðabæ. Áramótaheitið mitt er að gera mikið á þessu ári sem ég á eftir að geta sagt sögur af. Ég ætla að búa til sögur af sjálfri mér. Segið mér eitt... hver borgar 2.900 krónur til að sjá Sálina hans Jóns míns á nýársnótt? Hvaða fólk á peninga til að eyða í svona vitleysu? Suss.
Hey Mickey Loksins hef ég fundið draumahlutverkið. Mikki refur. Ef fólk hittir mig og ég er með refaskinnið sem Skúli gaf mér, þá skal ég taka fyrir ykkur Mikkalagið og þið munuð sjá að ég á fullt erindi í hlutverkið.
Var víst búin að lofa þessu Já, mamma og pabbi voru mjög sátt með matinn. Við systurnar hengdum lak fyrir eldhúsdyraopið og þau máttu ekki koma inn. Við byrjuðum á nautacarpaccio, ætluðum að hafa hreindýr en slíkt var aðeins hægt að fá í tröllapakkningum sem kostuðu an arm and a leg. Þá vorum við með millibita sem var lax hjúpaður með brenndum kóríanderfræjum og svörtum pipar. Þegar við vorum að brenna þetta á pönnu hóstaði móðir mín út úr sér lungunum, en hún var uppi að þurrka af. Piparinn fer illa í öndunarfærin. Þá var surf and wild turf, humar og dádýrasteik. Fyrst steiktum við á pönnu sveppi, skalottulauk, ferskt rósmarín og basilíku. Síðan vöfðum við dádýrasteikinni og þessu gumsi inn í parmaskinku. Humarinn var bara grillaður í ofni, með hvítlaukssmjöri með miklu gumsi. Gumsið var einn og hálfur skalottulaukur, heill hvítlaukur og basílíka og til að halda í hollustuna þá var 50% smjör og 50% ólífuolía. Meðlaætið var chayenne-hrísgrjón og léttsteikt hvítkál með basilíku, en það er það jólalegasta sem hægt er að borða. Með þessu var síðan sveppasósa. Við átum yfir okkur, við systurnar þruftum að losa korsiletturnar sem við vorum í og allt.
Ég fékk allt sem ég vildi í jólagjöf og meira til. Ég vil ekki monta mig hér. Ég er þakklát og auðmjúk.
Já Ég er svo fegin að vera búin í prófunum. Ég hlakka svo til morgundagsins, að vakna og elda allan daginn. Við Vigdís gefum s.s. mömmu og pabba það í jólagjöf að elda á aðfangadagskvöld. Þau hafa ekki hugmynd um hvað er í matinn. Pabbi minn hefur áhyggjur af því hvað hann eigi eigilega að gera á aðfangadag fyrst hann má ekki vera í eldhúsinu. Hann ætlar samt líklega að taka baðherbergið rækilega í gegn. Í gær fórum við að kaupa í jólamatinn, jækes. 2 pokar fyrir 11.000 kall. Það er samt lítið miðað við þennan veislumat fyrir 5 manns. Afi Óli (Ravióli) verður með okkur á aðfangadagskvöld. Það er spurning samt hvað hann gúdderar matinn, en það verður bara að hafa það. Svo hittumst við í kvöld að dansa í kringum jólatréð á Ingólfstorgi. Sko, þið fenguð jólasnjóinn sem þið óskuðuð eftir.
Færsla um allt Ég hlakka svo til að klára prófin. Ég ætla að: 1. Taka til í herberginu mínu og setja strujuð rúmföt utan um sæng og kodda og dýnu. I LOVE IT. 2. Kaupa jólagjafir 3. Skrifa jólakort 4. Pakka inn 5. Kaupa í jólamatinn 6. Hitta loksins 6.A 7. Dansa í kringum jólatréð á Austurvelli klukkan 00 á Þorláksmessu 8. Nota heilan dag í að preppa og elda 9. Vera fín 10. Hitta fjölskyldurnar allar 11. Fara á kóræfingar (já mín er í kór bara haaa... ég var að syngja La Bamba í partýi og var boðið að koma í kór og var mætt á æfingu daginn eftir) 12. Syngja á kórtónleikum 30. des. Ókeypis inn, man ekki hvar. Við syngjum Home Alone-lagið. Í tilefni af því að ég er að fara að hitta besta bekk í heimi 22. þá kemur hér smá tilvitnun í mann sem skilur mig með hjartanu: Fall is here, hear the yell back to school, ring the bell brand new shoes, walking blues climb the fence, books and pens I can tell that we're going to be friends
Ég spilaði á flautu á plötu sem fékk 5 stjörnur af 5 í Mogganum í síðustu viku. Auk þess geri ég trommutrikk á henni og eldaði mat fyrir hljómsveitarmeðlimi og upptökustjóra.
Síðan mæli ég með þessu andlitsdæmi. Ég gerði þetta til að sjá hvort ég væri í alvöru eins og Kirsten Dunst, en ég fékk þetta: 74% Jennifer Lopez (WHAT?) 72% Grace Kelly, 72% Scarlett Johanson, 69% Prianka Chobra (YESSS!!! BOLLYWOOD HERE I COME!), 67% Lindsey Lohan, 66% Elisha Cuthbert. Það sem er svo merkilegt er að mamma fék einnig Grace Kelly, en amma og Egill mömmubróðir fengu Isabellu Rossilini, sem er dóttir hennar. Þannig að það er einhver family resemblance með okkur haaa. Uppfært: Ég er með hristibúðing í hausnum, Isabella er dóttir Ingridar Bergman. Demit.
Settu nafnið þitt í kommentakerfið og.. 1. Ég segi þér eitthvað handahófskennt um þig. 2. Ég segi þér hvaða lag/mynd minnir mig á þig. 3. Ég segi þér fyrstu ljósu minninguna mína af þér. 4. Ég spyr þig að einhverju sem ég hef velt lengi fyrir mér um þig.
Laukhringir Stundum hellist yfir mig ofsaleg löngun að fá mér laukhringi. Þetta er hvimleitt af ýmsum ástæðum: 1. Laukhringir sem hægt er að kaupa frosna í búð eru með asnalegum hjúpi með einhvejum dómínóskornum utan um sig, sem er vont. Auk þess eru þeir svo grófir að þeir verða voðalega leiðilegir undir tönn. 2. Ég kann ekki að búa til nógu gott orly sjálf utan um laukhringina sem ég reyni að gera hérna heima, svo það verður bara eitthvað grín. 3. Svo er hætt að selja laukhringi um bæinn í svona take away, nema á kjúklingastaðnum í Stigahlíð, en þar fást bestu laukhringir heims.
Að fornensku prófi því sem Atli beilaði á loknu Mér finnst málfræði leiðileg, en mér finnst setningarfræði skemmtileg. Ég er kjáni. Mér gekk samt vel í prófinu, setti mig í Lord of the Rings gírinn bara. Jarðstappi (eorthstapan eða eitthvað þannig úr The Wanderer (yeah the wanderer and around around around)) er fallegt orð yfir ferðamann og ég ætla að nota það í staðinn fyrir orðskrípið túristi. Millanga jól núna.
Ég er ekki typpakall, typpakall, typpakall, ég er ekki typpakall; þú ert typpakall.
Já, það er komið að því. Typpahátíðin er gengin í garð. Óskað er eftir skemmtilegum nöfnum á typpi. Mamma mín er komin með Þorvaldur víðförli. Mitt framlag til þessarar hátíðar er Melkólfur í miðjunni. Komaso. Gaman í prófunum.
Ég er í Mogganum í dag Eins og hvítur og gylltur magadans-jólaengill. Ég er að reyna að hafa upp á vídjói af dansinum, til að þeir sem fóru á Antony og voru heima að lesa geti séð þetta. Þetta er ofsalegur dans.
Steinunn og Einar Ég hef alltaf jafn gaman að umræðum um pólítík í Kastljósinu og svipuðum þáttum. Ekki af ég hafi áhuga á þessu, heldur vegna þess að í þessum umræðum er það nákvæmlega sama uppi á teningnum og í ræðukeppnunum í gamla daga; það er ekki hægt að finna sameiginlega útgangspunkt, þannig að umræðurnar eru engar. Þetta er bara eitthvað endalaust pex.
Heyrðu nú mig. Hann Daníel Ágúst er að púlla eitthvað Jack Sparrow-lúkk.
Var að laga búnigninn minn, þann sem ég fékk á ebay. Nú passar hann mér fullkomlega, og ég er meistari í að sauma pallíettur og perlur á teygjuefni. Ég er eins og sírena í honum, óendanlega sæt og kvenleg. Ég þurfti að færa tvær efstu peningaraðirnar neðst, til að rassinn væri ekki eins og geimskip. Auk þess passa brjóstin í hann og það er sko eitthvað annað en á hinum búningnum mínum, en honum virðist vera illa við þau og vill helst henda þeim framan í áhorfendur. Eða að gerivörturnar mínar séu sviðsgraðar.
Síðast þegar dansaði í Borgarleikhúsinu (þá í Steps in the Street eftir Martha Graham), pommsaði ég á rallann. Skaust síðan strax upp aftur og kláraði mitt, en svo bara grét ég og grét baksviðs. Ég þurfti samt að taka á honum stóra mínum, því eftir hlé var ég nornin í Þyrnirósu og fékk að vera með DRAKÚLAskykkju og hlæja mjög hátt. MÚHAHAHAHAHA!!! Það var erfitt, hafandi pommsað svona á rassinn. Cameron, besti danskennari í heimi, sagði samt við stelpurnar, með mig í fanginu: "Girls, if you don't fall on your ass, you're just not trying hard enough." Ég held að þetta gæti nú verið lífsmottóið mitt. Svo er það stóra spurningin: Pommsa ég á rallann á morgun?
(Mér fannst myndin af þessum "magadansbúningi" fyndin)
Magabelti Mig langar í magabelti (e. girtle) í jólagjöf. Nú gæti fólk spurt sig: "Whaddafokk, af hverju fer rostungurinn ekki bara í megrun?" Það er nú bara þannig að í magadansinum er betra að hafa eitthvað að hrista. Ég grenntist um daginn en þá hristist ég ekki neitt, svo ég tróð smákökum í bumbuna og le Coca Cola og nú er ég goooood. En það er ekki alltaf fallegt að vera svona mjúk. Ég á marga kjóla og boli sem ég er alveg hræðileg í vegna þess að bumban lekur út fyrir buxurnar, þá sérstaklega til hliðana svo ég verð eins og snjókall í laginu... svona: (____) Brjóst _)__(_ mitti (____) bumba sem er svona vegna buxnastrengs (____) Mjaðmir. Fólk hlýtur að sjá að þetta er algjörlega ótækt. Ég verð að fá mér magabelti, eða bumbustrekkjara eins og mambi kallar það.
Back to the future Heim á fornar slóðir... Mokki dansar í Borgarleikhúsinu þann 10. des. Kostar 1800 inn, eða 1600 ef þú kaupir miða í forsölu Kramhússins út þessa viku. Þarna kennir ýmissa grasa, magadans, afró, flamenco, tangó, hip hop, funk, jazzballet, karabískur dans, þjóðdansar frá Balkanskaga... ef þú hefur áhuga á að dansa af þér spikið eftir jól, komdu og kynntu þér hvað er í boði og óskaðu þér síðan dansnámskeiðs í jólagjöf. Sýningin hefst klukkan hálf 9.
