Á þetta blogg skrifar
Margrét Erla Maack
um það sem henni finnst skemmtilegt, leiðinlegt, sniðugt og kjánalegt. Ég afsaka alla einkabrandarana. Öllum nafnlausum athugasemdum verður skilyrðislaust eytt.
Góð Í sjötta bekk tók ég einkaforpróf Gettu betur. Það fór fram á sal í hádegishléi og viðstaddir voru meðlimir liðsins. Prófið fór fram munnlega. Ein spurnigin hljómaði svo:
Nafnorðið sjampó er upprunalega dregið af sögn í indóevrópsku máli. Hvert er þetta mál, hvaða sagnhætti líkir orðmyndin sjampó eftir og hvernig er upprunalega sögnin í nafnhætti? Ég hallaði undir flatt, pírði augun og nagaði blýantinn. Sagði svo: "Skoooooooooo, þetta hlýtur að vera sanskrít, og svo er þetta -ó, það hlýtur nú eiginlega.................að..............vera........boðháttur held ég"
Þá um daginn inni í stofu var Atli búinn að gefa upp svarið við þessari spurningu, úr hvaða máli orðið sjampó væri komið og hvaða háttur það væri. Þetta var víst óborganleg blekking hjá mér. Ef Atli hefði ekki fattað þetta strax hefði ég kannski verið í liðinu!!!!
Mokki litli og málvísindin Í leit minni að heimildum fyrir málvísindaritgerðina mína rakst ég á tvo FRÁBÆRA linka um slang og undir rósar-tal. Þetta er allt saman svakalega hreinskilið og bendi ég á eftirfarandi:
"Put it up your rectum": • "up yours" (a shortening of "(stick it) up your (ass)")
"Suck my sexual organ": • "bite me" (this phrase has a very aggressive connotation, suggesting that the person offering to acceed to the request would be putting himself/herself at risk)
I will survive Lúsin lifir þrátt fyrir kennaraverkfallið. Ég þurfti að kemba mömmu í gær, því upp er komin lús í vinnunni hennar. Ég fann ekki neina lús í mömmu. Sjúff. Ég fékk einu sinni lús, þá var ég í 9. bekk. Hræðilegur aldur til að fá lús.
Túrbókennarinn Síðasta mánudag sagði pabbi við mig að hann væri að deyja því hann saknaði svo vinnunnar sinnar og krakkanna. Eftir að hafa talað saman um stund, stakk ég upp á því að hann byði þeim í hádegismat. Pabbi bauð bekknum sínum í fajitas síðasta miðvikudag. Við fórum í Gripið og greitt. Vá hvað það er DÁSAMLEG búð. Maður er eins og puti í Gúllíverslandi.
Ég og Vigdís elduðum og það var rosalega skemmtilegt og við gerðum bæði kjúkling og nautahakk. Fullt af fólki mætti með blóm og meira að segja nokkrir strákar sameinuðust um blómvönd.
Hin verstu blöð Átti orðlaus ekki að vera femínistablað?
Þar var prófið "Ert þú góð kærasta?" Eftir því sem maður fékk færri stig, var maður betri kærasta. Þar sem ég er naut og get verið óörugg með mig, tók ég prófið. Ég var ekki hin fullkomna kærasta, en samt ágæt. Spurningin sem felldi mig snerist um heimilisstörf. Hvað ætlastu til að kærastinn þinn geri mikið af heimilisstörfunum?
a. Ekkert (1)
b. 25% (2)
c. 50% (3)
d. 75% (4)
e. Öll (5)
Af þessu sést greinilegaað ef þú gerir jafnar kröfur til sjálfrar þín og kærastans ert bara miðlungsgóð kærasta. Jahérnahér. Ég gat svo sem sagt mér þetta sjálf, svo ég fór út í búð og keypti mér CK-nærur og D&G brjóstaRAhaldara.
Hitt tímaritið er VAMM. Hversu illa stafsett og illa uppsett getur eitt blað verið? Ég fæ barahausverk og byrja á breytingaskeiðinu. Ég nefni aðeins eitt dæmi um lélegheit blaðsins: "Þeir gera gæsalappir svona,,
djammið Í gær á Kaffibarnum (fór þangað því Ástrós var í röðinni, annars ven ég ekki komu mína þangað) var glasabarn með svona kannski um 20-30 glög milli handanna. Hann teygði hendurnar sem mest hann mátti. Svo datt hann niður bratta stigann þarna. Fólk hló. Ekki við Una samt, og fólk horfði á okkur eins og það væri sko ekki kjúl að hafa samúð með glasabörnum.
Við Una lentum í fáránlega hallærislegu áreiti í gær. Vá, hvað sumir menn eru ógeðslegir og leiðilegir. Í morgun sagði pabbi mér að einstaklega mikið hefði verið um áflogt og læti í bænum í nótt. Ég trúi því alveg miðað við að ég var aum í mittinu í morgun.
Mig langar að reykingabannið gangi í gegn. Vá, hvað ég mun venja komur mínar í bæinn ef það gerist. Allt frá því ég byrjaði að fara í bæinn hef ég óttast að ef ég yrði ólétt einn daginn, glti ég ekki farið á tónleika í 9 mánuði. Það er ekki gott.
Ég gerði mér grein fyrir í gær að ég mun aldrei líta út eins og djammdrottning. Demit.
Þegarég var lítið barn og sá unglingakærustupar þá fannst mér óendanlega kúl þegar það var með hendurnar ofan í rassvasa hins. Í seinni tíð finnst mér þetta óendanlega hallærislegt. Ég hugsaði þegar ég var lítl "SVONA ætla ég að gera með kærastanum mínum einhvern tíma."
Mig langar: • í iPod
• í nuddtíma
• í fótsnyrtingu
• í nýjar nærbuxur (búin að fá leið á naríunum mínum)
• að það hætti nú að rigna
• í svona killer-flensulyf
• í barn sem er í moonboots á veturna
• að derhúfur verði bannaðar með lögum og teljist meiri sjónmengun en Kárahnjúkavirkjun
• að fólk taki mark á mér og taki það sem ég bið fallega um til greina. Sérstaklega ef ég er búin að vera á hnjánum í hálft ár, leiðileg í annað hálft og ICY í ár í viðbót. HÆTTU AÐ GANGA MEÐ DERHÚFU.
Málfarið Ölöglegar myndir af netinu er þjófnaður.
1. Frumlagið er í fleritölu. Þarna skyldi vera eru.
2. Þjófnaður nei. Þýfi. Það er það sem er stolið. Að hlaða niður myndum af netinu, ólöglega, er þjófnaður.
3. LAS ENGINN YFIR???? ER FÓLK Á FYLLERÍI Í VINNUNNI????
Lokastígur 7 Nú rétt í þessu fékk ég sms sent af simanum.is. Þar var mér boðið í pulsur og bjór í kvöld kl. 8 að Lokastíg 7, risi. "Be there or be lúði."
Engin undirskrift. Ég fór og fletti þessu upp á ntinu. Á Lokastíg 7 búa: Einar Jónsson, Vigdís Ólafsdóttir og Ása Kolka Haraldsdóttir Ég þekki ekkert þeirra. Á ég að fara? Er sá eða sú sem bauð mér ekki búin(n) að láta símaskrá vita af flutningunum? Una fékk ekki svona sms, svo þetta er ekki sameiginlegur kunningi. Er þetta kannski surprise partý fyrir mig?
Hvað á ég að gera?
Bridge Á föstudagskvöldið kíktum við Skúli á Grandrokk. Þar lærðum við Bridge. OG BRIDGE ER EINS OG KANI. Ég hélt alltaf að þetta væri voðalega flókið en nei. Svo heyrir maður í fréttunum að þessi sé Bridge-félagi Davíðs og eitthvað og það er bara EKKERT merkilegt.
Þegar fólk er að fárast yfir ráðningu Jóns Steinars segi ég alltaf að hann eigi fín börn og það segi meira um hann en margt annað. Þá verður fólk kjaftstopp því það heldur að hann sé frændi minn.
XL Óli frændi um samstarfskonu sína: "Hún er með stærsta rass í heimi!!!"
Margrét: "Stærri rass en ég?"
Óli: "... ... ... nei ..."
Ég fór og keypti mér AFTUR gallabuxur þar sem hinar eru dálítið of stórar og hanga á mér (fínar í vetur samt með gammó undir). Ég fór í 5 búðir og hvergi kom ég stærstu gallabuxunum upp fyrir mið læri. Svo kíkti ég í VILA í Náralind. Loksins fann ég buxur í XL sem pössuðu og ég komst í L. En vá.... Á hverjum degi sé ég konur og stelpur sem eru með stærri rass en ég. Langflest gallabuxnasnið eru of lítil á mig í XL. Ég er samt í kjörþyngd og telst ekki vera hvalur. Þótt rassinn á mér mætti vera minni er hann ekki eins og Rússland. Hvar kaupa þær sem eruu stærri en ég fötin sín? Sauma þær þau sjálf?
Málstol Í vinnunni minni er 9 ára gömul stúlka. Hún á afskaplega erfitt með samskipti, bæði við fullorðna og önnur börn. Það er vegna þess að hún á bæði erfitt með að vinna úr töluðum upplýsingum og að koma þeim frá sér. Hún fæddist með heilaskaða í vinstra heilahveli. Hún á mjög erfitt með að skilja 3 orða setningar, svo samskipti við hana eru mjög höst. "Hætta, koma, borða, ekki." Hún tjáir sig með óskiljanlegum orðum.
Litla stúlkan er því bæði með Broca- og Wernickemálstol.
