Á þetta blogg skrifar
Margrét Erla Maack
um það sem henni finnst skemmtilegt, leiðinlegt, sniðugt og kjánalegt. Ég afsaka alla einkabrandarana. Öllum nafnlausum athugasemdum verður skilyrðislaust eytt.
AAAAAHHHHH FÍBBL!!! Á vegum Hins hússins starfar sumarhópurinn Vinir Kela sem eru frábærir djasslistamenn. Í dag spiluðu þeir á Laugaveginum og það var rosalega fínt hjá þeim og vegfarendur nutu tónlistarinnar. SVo kom löggi. "Eruði með leyfi????"*
Drengirnir reyndu að útskýra stöðuna en lögreglið skellti skollaeyrum við (?) og bað um leyfi. Steinunn Knúts Götuleikhússtjóri reyndi að hjálpa til en lögreglan varð reið og rak Vini Kela í burtu.
Sko:
1. Þeir voru ekki með magnara svo þetta var ok.
2. Þeir voru ekki að betla svo þetta var ok.
3. Reykjavíkurborg skaffar drengjunum laun svo þetta er ok.
4. Öllum vegfarendum fannst þetta gaman. Ef þeim fannst það ekki, gátu þeir labbað í burtu, svo þetta var ok.
Svo ætlaði lögreglan líka að atast í okkur götuleikhúsfólki, en Steinunn dílaði við lögregluna einhvern veginn.
*Kannski var hann að leita að Leifi stórglæpamanni, en ég held ekki.
Bestu myndir sem ég hef séð: (í stafrófsröð) 12 Monkees
Adaptation
American Graffiti
Being John Malkovich
Big Trouble in Little China (var átta ára)
Clueless
The Court jester
Delicatessen
Eternal Sunshine of the Spotless Mind
Léon
Les Fabuleux destin d'Amélie Poulain
Lion King
Lord of the rings myndirnar, sérstaklega sú þriðja
Fight Club
Finding Nemo
Hable Con Ella
Harvey
In America
Kill Billarnir 2
Natural Born killers
One Flew over the Cookoos Nest
Primal fear
Se7en
Shrek
The Usual Suspects
La Vita è bella
Man ekki fleiri, bæti fleirum við þegar fram líða stundir.
Allur líkaminn fagnar Ég fagna því að sælkeraverslun verður opnuð hér á landi. Þetta verður verslun með alls kyns krydd og exótískan mat. Mér hefur lengi þótt vöntun á slíkri búð hér á landi. Ég vona að rekstraraðilar flytji eitthvað inn frá Oil and Vinegar. Tekin verða fyrir lönd og matarmenning svo að það verður örugglega æðislegt að skoða þarna og smakka og kaupa og elda og líða vel. Ég vona að þessi búð eigi eftir að ganga vel. Kannski að maður reyni að fá vinnu með skólanum þarna???
Djammið í Reykjavík ******: "Heyrðu, rosalega ertu með flottan rass!"
Ég: "Takk... Heitirðu ekki ******?"
******: (veður flóttalegur) "Ha? Jú...."
Ég: "Þú ert frændi minn. Pabbi minn skírði barnið þitt."
******: "Uuuu... já... haha.... sjáumst..."
Og síðan sneri hans sér við og talaði við einhvern Mínusgaur.
17. júní í ár var Margrétardagurinn. Ég byrjaði á því að bera krans. Það var dálítið eins og að giftast Atla. Allir að horfa á mann og svona "Aaaah, framtíðin og unga fólkið..."
Dagur sæti í borgarstjórninni sagði að við Atli værum glæsilegir fulltrúar ungu kynslóðarinnar. Mér finnst hann samt með skrýtið hár. Samt dálítil svona Darcy-pæling...
Þaðan labbaði ég í skrúðgöngu við hlið borgarstjórans og einhvers manns sem Atla fannst ótrúlega merkilegur.
Við Atli fylgdumst með Austurvallasveinunum og vorum ósammála fatavali stúlkunnar, sem minnti óneitanlega á stóra stóra karamellu. Og þau komu kransinu fyrir Á SKÁ. HEELO Ó-PRÓ!!!!
Þaðan fór ég í vinnuna og var gæsileg um bæinn, meðal annars á hestvagni að senda fólki fingurkossa. Stærsta giggið sem ég hef tekið þátt í. 60.000 manna áhorfendaskari. Síðan birtist ég í fréttunum með lögregluhúfu. Svo var vinnupartý hjá mér. Það var gaman. Og klukkan 11 var Ungfrúin góða og húsið sýnd í Ríkissjónvarpinu.
Það besta við daginn var samt að fá poppkorn og sofna í rúmi með fjórar sængur.
Viggó frændi: Ég sá einu sinni hund í fötum. Garmur má ekki vera í fötum.
Margrét: Af því hann er svo stór og loðinn og myndi kafna úr hita???
Viggó frændi: Nei, hann myndi bara borða þau.
Við Atli verðum í kirkjugarðinum. Ekki svo slæmt. Kolbrún latínukennari ætlart víst að kíkja á giggið.
Svo var ég að kjánast í eidolonmyndbandi áðan. KB var hress, mundi þó ekki eftir hvað idol væri á forngrísku, en mundi nákvæmlega útskýringu orðsins. Hann sagðist hafa haft mikið gaman að drengnum sem sagði honum frá þessu. Kom til mín áðan og bað að heilsa "gríska guttanum."
Svo Atli minn: Kalli Bjarni sendir koss.
Elsku Una vinkona mín er örvhent. Það þýðir að að í staðinn fyrir hendur er hún með örvar (gravida sagittis... nei djók). Þetta lýsir sér meðal annars í því að hún gerir öfuga broskalla í emilum og sms-skeytum. Í staðinn fyrir að gera :) gerir hún (:
Það er gaman og fyndið. Alls engin fötlun, bara gaman. Og fyndið.
SEMANTICS: You are semantics. Be true to your field, but remember: debating the meaning of the word "Supercalifragilisticexpealidocious" never got Mary Poppins anywhere.
Takk Atli, you made my day.
Getur annars einhver svarað því hvað Noam Chomsky er menntaður??? Hann er prófessor í nákvæmlega hverju? Mig minnir að hann hafi nefnilega verið æði menntaður, maðurinn, og allsvakalega þverfaglegur.
Mávar eru rottur með vængi. Fólk í Kringlunni er rottur með... þumalputta.
Ég tapaði kúlinu í dag. Akkúrat þennan dag ákvað hópur tjah... dalvíkinga (avec une d petite) að skella sér í Kringluna. Ef allt hefur gengið samkvæmt áætlun ættu allir sem lögðu leið sína í Kringluna í dag að vera komnir með klammara.
Laugavegurinn Verkefni dagsnins var að fara niður laugaveginn með ástarljóðum og kossum. Það var gaman. Ég ákvað að flytja ástarljóðin mín til Einars sem var ógeðslegur Rússi. Ég notaði heilabankann og blandaði saman línum úr Nallanum. Það var fyndið. Að strjúka ljósastaurum og segja "Mwi nash, mwi novi mwi pastroím...da asnavanja a satjem..."
Svo vorum við með "ástardans" hér og þar um bæinn og Breti sagði: "It's filthy, that's what it is. Wouldn't want to be their parents." Svona er þetta.
Yfirvinna Ég var að trúða í dag. Það var stórkostlegt. Ég var trúðakallinn og Lára var trúðakonan. Við fórum um svæðið þar sem fjölskylduhátíð Toyota var haldin og spurðum fólk hvort við mættum fá lánuð börnin þeirra, því við gleymdum okkar heima. Ég gerði mér ekki grein fyrir hvort var hræddara, foreldrið eða barnið. Svo tók ég brjálaða rokkútgáfu af laginu í grænni lautu sem var mjög sniðugt hjá mér. Og í 1,2,3,4,5 DIMMALIMM gekk ég alltaf í vitlausa átt. Mér finnst ég fyndin.
9-5 vinna Ég vaknaði í morgun og horfði á Skúla borða hafragraut. Ég mætti í vinnuna klukkan 9 og stimplaði mig inn. Ég byrjaði vinnudaginn á því að skokka. Síðan lærði ég að spúa eldi. Ég fór í mat frá 12 til 1. Eftir mat útfærði ég með vinnufélugum eldspúiæfingar, t.d. að fara í handahlaup með eldinn og spúa.
Svo fór ég í kaffi. Eftir kaffið gerði ég ástarengladans. Ég stimplaði mig út klukkan 5 og gekk heim.
P.S. Fólkið sem kenndi mér að spúa eldi kunni ekki að beygja sögnina að spúa og notaði oft sagnmyndir sagnarinnar að spýja
