Á þetta blogg skrifar
Margrét Erla Maack
um það sem henni finnst skemmtilegt, leiðinlegt, sniðugt og kjánalegt. Ég afsaka alla einkabrandarana. Öllum nafnlausum athugasemdum verður skilyrðislaust eytt.
Gleðilegt sumar Ég, Obba, Bjarney, Erla og Tommi fórum á Kaffibrennsluna. Þar var stúlka sem öskraði eins og svín öðru hvoru. Ég frysti hana með augunum og fékk mér síðan djúpsteiktan ost.
Skúli gaf mér dásamlega bók í afmælisgjöf sem heitir Illustrated Beatles's Lyrics. Vá... hún er dásamleg. Ég sofnaði með hana í fanginu og fór með hana í skólann í dag. Ég er búin að skoða hana undir borði í allan dag.
Ég skil ekki þessa síðustu skóladaga. Við erum í öðrum hverjum tíma og í hinum erum við bara að prumpa og gera krossgátur. Og svo er byrjað að snjóa. Kannski ágætt, þá er maður inni að lesa. Vona að viðbjóðssnjóslubbveðrið haldist til 19. maí. Gæti alveg eins gerst.
Það var lítið hús
út við lygnan straum
þar sem laglegt fljóð
átti ljúfan draum... Ég var að velta fyrir mér í sambandi við söngkeppni FF. Þar má bara syngja á íslensku. En ef maður syngur lag á færeysku í innanskólakepppninni? Þarf maður þá að þýða það? En ef viðkomandi syngi nú Sísí fríkar út? Þar er mikill hluti lagsins sunginn á bullimáli sem hljómar eins og franska... en samt! Fasistar allt saman.
Á afmælisdaginn minn keyrði ég næstum á konrektor og sá Birgittu Haukdal í Kringlunni.
Laugardagurinn var dásamlegur. Skúli fór að kaupa í matinn og kom heim með nautalundir og rauðvín. Það var dásamlegt. Rauðvínið var frá Argentínu og heitir Alta Vista. Skemmtilegt.
Ok...Það er eitthvað að linknum sem Quiz your friends gefa manni upp sem kóða til að láta á heimasíðuna sína.. svo ég bið ykkur að setja ímeiladdressurnar hér í commentakerfið og ég skal senda ykkur ef þið hafið áhuga. Við biðjumst velvirðingar á þeim vandamálum sem kynnu að hafa komið upp.
Hello, my name is Mike and I am a puffin. My friends call me Muffin. Díses kræst. Í gær framdi ég félagslegt sjálfsmorð. Sjálfsvirðing mín er engin. Athæfið innihélt kosningasvindl, hárkollu og almenna standpínu. Enough said.
Svo fór ég á bingó en vann ekki neitt. Ég þarf að æfa mig betur. Mæti fílefld í næsta bingó.
Í spænskutímanum í morgun borðuðum við kvöldmat á Hótel Borg. Það var afskaplega notalegt.
Nú stendur Dimmisio yfir. Ég ætla að nýta fríið og læra. T.d. fyrir latínu. Ég er slæææææææm í latínu. Samt er hún uppáhaldsfagið mitt.
Switzerland -
A neutral power for as long as most can remember, it has avoided war for several centuries. However, it is still considered highly advanced and a global power.
Breiðdalsvík HEY! Breiðdalsvík HEY! Breiðdalsvík! Bagdad bara fallin. Mér fannst svo skrýtið að horfa á þetta í fréttunum. Minnti mig á fleygar setningar úr Kristni Ármannssyni. Skiptir eiginlega ekki máli hve margir féllu, sá sem "vann" var sá sem náði merkinu af hinu liðinu. Svipað og Catch the flag.
Útifundinum Konur með friði, sem átti að vera á morgun, er aflýst á þeim forsendum að "það sé ekki lengur grundvöllur fyrir honum því Bagdad er fallin."Það finnst mér hallærislegt. Fyrst yfirskriftin snýst um frið, af hverju ekki að halda hann til að viðhalda friðnum og fjalla um málefnið frá kvenlegu sjónarmiði?
Fundurinn átti aðallega að snúast um að konur hefðu lítið að segja í hernaðarmálum. Mér finnst við hafa gífurleg áhrif á þessi mál. Í gengum árin hafa konur tönnlast ENDALAUST á því að þær sjái einar um heimili og barnauppeldi. Ergo: Konur ólu "þessa menn" upp. Við stóðum okkur ekki nógu vel. Ég hvet alla foreldra til að ala börnin sín betur upp.
Í morgun hlustuðum við mamma á Rás 2. Þar var Gestur Einar með hálftíma langa umfjöllun um það að engin snjór væri í Hlíðarfjalli. Og hvað með það? Það á að hefjast skíðamót í fjallinu í dag. Og hvað með það? OK, kannski eitthvað með það... En hálftímalöng umfjöllun? Það eru svona Akureyringar sem skapa ímynd Akureyrar. Með Gesti Einari í þessari ímyndarsköpun var karlkynnirinn á söngkeppninni. En það eru ekki allir slæmir sem búa þar.
Frank fyndni Frank ætlar í íslensku fyrir erlenda stúdenta í Hákólanum. Hann ætlar að þykjast vera vatíkanskur.
Ef ég mætti vera hver sem er þá vildi ég vera David Attenborrough. Ég held að lífið hans sé skemmtilegasta líf í heimi. Og ef ég mætti eiga hvaða dýr í heimi þá vil ég eiga músahéra. Þetta er héri, en hann er með músaeyru. Ó, svo sætt. Þetta er ekki mús, heldur héri. Músahéri. Njooooooo... Þeir eru mjög gáfaðir og safna eitruðum plöntum í vetrarforða. Af hverju? Jú, eitrið gangast þeim sem rotvarnarefni.
Ég vil óska Jóa til hamingju með að vera bestur á Íslandi og Ernu með inspectorinn. Ég vil óska vesssslingum til hamingju með að hafa unnið Morfís óvænt. Svo hrósa ég ræðuliði Menntaskólans fyrir að vera drengilegir og sætir.
Magakveisa Einhver magakveisa hefur haft áhrif á hversdagslíf Skúla. Ég hef þó ekki smitast, sem bendir til þess að þetta er matareitrun. Eeeeen... matareitrun hverfur á einni viku. Líkaminn losir sig við eitrið og svo búið. Í dag er magakveisan eins vikna. Sem bendir til þess að eitthvað meira sé að. Hilmir benti á að fyrir nokkrum árum síðan hafi eitthvað svipað hrjáð hann og pabbi hans, sem er læknir, hafi bent honum á að hætta að drekka mjólk. Magakveisan lagaðist. Ergo: Mjólk er eitur. Ef hún væri ætluð okkur værum við lengur á brjósti.
ÓSMEKKLEGT. Já, ég segi og skrifa ósmekklegt. Ósmekklegt. Það sem er ósmekklegt er það að fá meðmæli frá kærastanum sínum. Eru meðmæli hans óvilhöll og algerlega óháð því að hann hefur verið á milli fóta frambjóðandans? Annað ósmekklegt: Að birta meðmæli frá fyrrverandi kærasta mótframbjóðans.
Ég veit að það má ekki vera með áróður á kjördag, en kosningarnar eru yfirgengnar. Því tjái ég mig um þetta mál í dag. Skúli gerir það einnig á sínum stað.
Húbbalega Í gær og í dag er ég búin að hlaupa um skólann og tala við nemendur í tíma. Sumir bekkir eru verri en aðrir, þeir sem eru í stærðfræði spyrja alltaf sérstaklega mikið. 3. bekkur er afskaplega áhugasamur.
Skúli spilaði á tínleikum í gær með ælupest. Grey kettlingurinn. Mínus beilaði á þeim á síðustu stundu, en þeir spuluðu með Lúbrikant og Kóral í staðinn. Ég brostiu bara og sagði "ó, sjúff, frrrrrábært" eins og ég vissi alveg hvaða hljómsveitir þetta væru.
Í gær var kosningafundur. Hann var ágætur en illa sóttur.
Á morgun eru kosningar. Kjósið það sem ykkur dettur í hug, það er alltaf best.
